Պայմաններ

ԿԱՆՈՆՆԵՐ

ՍԱԿԱՐԿՈՒԹՅՈՒՆՆԵՐԻ ԱՆՑԿԱՑՄԱՆ ՊԱՅՄԱՆՆԵՐՆ ՈՒ ՊԱՀԱՆՋՆԵՐԸ

ՄԱՍ 1. ՕՏԱՈՐԾՎՈՂ ՀԱՍԿԱՑՈՒԹՅՈՒՆՆԵՐԸ
 
Սակարկությունների Անցկացման Պայմանների ու Պահանջների սույն  Կանոններում (այսուհետ. Կանոններ) օգտագործվող հիմնական հասկացությունները.
 
1.1 Ծառայություններ նշանակում է <<Սամասու>> ՍՊԸ-ի կողմից մատուցվող ինտերնետային սակարկությունների միջոցով ավտոմեքենաների կամ այլ գույքի վաճառքի ծառայություններ:
 
1.2 Ընկերություն կամ Վաճառող նշանակում է <<Սամասու>> ՍՊԸ, որն իրականացնում է ծառայությունների մատուցումը, ներառյալ սակարկությունների կազմակերպումն ու վաճառքը:
 
1.3 Գույք նշանակում է ավտոմեքենա կամ այլ գույք, որի վաճառքն իրականացվում է ծառայությունների մատուցման միջոցով:
 
1.4 Մասնակից նշանակում է ցանկացած իրավաբանական կամ 17 տարեկանից ավելի տարիքով ֆիզիկական անձ, որն այցելում է սույն էջը և/կամ օգտվում տրամադրվող ծառայություններից:
 
1.5 Մեկնարկային գին նշանակում է Վաճառողի կողմից գույքի համար սակարկությունների սկզբում սահմանված նախնական գինը:
 
1.6 Գնման գին նշանակում է Վաճառողի կողմից գույքի վաճառքի համար առաջարկվող գինը:
 
1.7 Գնային Առաջարկ նշանակում է ցանկացած Մասնակցի կողմից գույքը գնելու համար առաջարկված գինը:
 
1.8 Լավագույն գին նշանակում է Մասնակցի կողմից գույքի գնման համար առաջարկվող ամենաբարձր գինը, որի հիման վրա Մասնակիցը համարվում է հաղթող:
 
1.9 Ընթացիկ գին նշանակում է գույքի համար սակարկությունների անցկացման տվյալ պահին առաջարկվող գինը մասնակցի կողմից:
 
1.10 Պայմանագիր նշանակում է գույքի Առքուվաճառքի Պայմանագիր, որը կնքվում է Վաճառողի և սակարկությունների ընթացքում Լավագույն գին առաջարկող Մասնակցի միջև:

ՄԱՍ 2. ՆԵՐԿԱՅԱՑՎՈՂ ՊԱՀԱՆՋՆԵՐԸ
 
2.1 Մասնակիցը պարտավոր չէ գրանցվել կայք այցելելիս:
 
2.2 Մասնակիցը` սակարկությունների մասնակից դառնալու և Ծառայություններից օգտվելու համար պարտավոր է.
2.2.1 Գրանցվել` լրացնելով համապատասխան էջում նշված տեղեկությունները.
2.2.2 Վճարել սակարկությունների մասնակցության վճարը, որն ենթակա չէ ետ վճարման.
2.2.3. Վճարել սակարկությունների մասնակցության դեպոզիտը, որն ենթակա է վերադարձման և/կամ գույքի վաճառքի գնի մեջ հաշվանցման, բացառությամբ այն դեպքերի, երբ Հաճախորդը սակարկությունների արդյունքում համարվում է հաղթող, սակայն 5 օրվա ընթացքում չի իրականացնում գույքի վճարումը.
2.2.4 Սակարկություններում հաղթելու դեպքում` 5 օրվա ընթացքում Վաճառողի հետ կնքել Պայմանագիր և վերջինիս սահմանված պայմաններով և ժամկետներում իրականացնել ձեռքբերված գույքի գնի վճարումը:
 
ՄԱՍ 3. ՍԱԿԱՐԿՈՒԹՅՈՒՆՆԵՐԻ ԻՐԱԿԱՆԱՑՄԱՆ ԿԱՐԳԸ
 
3.1Վաճառողը Ծառայությունների մատուցման էլեկտրոնային/ինտերնետային էջում զետեղում է տեղեկություններ կազմակերպվող սակարկությունների և մատուցվող Ծառայություների մասին` նշելով հետևյալը.
3.1.1 Սակարկվող գույքը.
3.1.2 Սակարկվող գույքի մեկնարկային գինը.
3.1.3 Սակարկվող գույքի գնման գինը, որը ոչ բոլոր դեպքերում է առկա.
3.1.4 Սակարկությունների անցկացման ժամկետները.
3.1.5 Սակարկություններին մասնակցելու համար պահանջվող մասնակցության վճարը.
3.1.6 Սակարկություններին մասնակցելու համար վճարվող դեպոզիտը.
 
3.2 Մասնակիցը գրանցվում է էջում, որից հետո ստանում է հրավեր Վաճառողից` այցելելու Վաճառողի գրասենյակ և ծանոթանալու առաջարկվող գույքի վիճակին` կատարելով նաև սակարկությունների մասնակցության վճարի և դեպոզիտի վճարումը: Վերջինս գույքը տեսնելուց հետո կարող Է նաև հրաժարվել սակարկությանը մասնակցելուց:
 
3.3 Գույքին ծանոթանալուց և համապասխան վճարումները կատարելուց հետո Մասնակիցը կարող է մասնակցել աճուրդին ցանկացած համակարգչից, որը միացված է ինտերնետային գլոբալ ցանցին:
 
3.3.1 Աճուրդի անցկացման ժամանակ ինտերնետ կապի ընդհանուր բացակայության դեպքում ընկերությունը իրավունք է վերապահում ընդհատել աճուրդը և երկարացնել աճուրդի անցկացման ժամանակահատվածը:
 
 
3.4 Մասնակիցն իրավունք չունի փոփոխել կամ հանել իր գնային Առաջարկը, եթե տվյալ Մասնակցի գնային Առաջարկը դառնում է Լավագույն գինը: Այս դեպքում Մասնակիցը պարտավոր է իրականացնել գույքի գնումը, հակառակ դեպքում Մասնակցի վճարված դեպոզիտը չի վերադարձվում Մասնակցին:
 
3.5 Սակարկությունների անցկացման ժամկետը սահմանվում է երկու շաբաթ կամ տասնչորս օր, եթե այլ բան չի սահմանվում Վաճառողի կողմից համաձայն ենթակետ 3.1.3-ի:
 
3.6 Սակարկությունների անցկացման ամբողջ ընթացքում Ծառայությունների մատուցման էջում զետեղվում է գույքի համար  առաջարկվող տվյալ պահի ընթացիկ գինը, որը փոփոխվում է Մասնակցի կողմից ներկայացված գնային Առաջարկին համապատասխան: Ընթացիկ գինը նշվում է առանց այն առաջարկող մասնակցի վերաբերյալ տվյալների նշման:
 
3.7 Սակարկությունների անցկացման ընթացքում ծառայությունների մատուցման էջում Վաճառողը զետեղում է հատուկ տեղեկություն սակարկությունների փակմանը մնացող ժամանակահատվածի մասին:
 
3.8 Սակարկությունների ժամկետի ավարտից հետո Վաճառողը Ծառայությունների մատուցման էջում զետեղում է տեղեկություն սակարկությունների ավարտի և Լավագույն գնի մասին:
 
3.9 Սակարկությունների ավարտից հետո հինգ օրվա ընթացքում Լավագույն գին առաջարկած Մասնակցի հետ կնքվում է Պայմանագիր:
 
3.10 Եթե Լավագույն գին առաջարկած Մասնակիցը չի կնքում Պայմանագիր կամ չի իրականացնում Պայմանագրով սահմանված պարտականությունները, ապա տվյալ Մասնակիցն ու իր առաջարկած Լավագույն գինը համարվում են որակազրկված: Այս դեպքում Վաճառողն իրավունք ունի իր հայեցողությամբ.

3.10.1 Չեղյալ հայտարարել սակարկությունները և կազմակերպել նոր սակարկություններ. կամ
3.10.2 Սակարկությունների հաղթող ճանաչել երկրորդ Լավագույն գինն առաջարկած Մասնակցին և վերջինիս հետ կնքել Պայմանագիր:
 
ՄԱՍ 4. ԳԱՂՏՆԻՈՒԹՅՈՒՆԸ
 
4.1 Մասնակցի մասին տեղեկությունները ենթակա են պահպանման համաձայն Վաճառողի և Մասնակցի միջև կնքված Գաղտնիության Պահպանման Համաձայնագրի:
 
ՄԱՍ 5. ԱՆՁՆԱԿԱՆ ՏՎՅԱԼՆԵՐ
 
5.1 Մասնակցի անձնական տվյալները գրանցվում են Վաճառողի մոտ, սակայն ենթակա չեն հրապարակման, եթե այլ բան չի սահմանվում օրենքով կամ դատական ակտով:
 
ՄԱՍ 6. ՎԱՃԱՌՈՂԻ ՊԱՏԱՍԽԱՆԱՏՎՈՒԹՅՈՒՆԸ

6.1 Վաճառողը պարզապես իրականացնում է սույնով սահմանված Ծառայությունների մատուցումը և որևէ պատասխանատվություն չի կրում սակարկությունների միջոցով վաճառվող գույքի որակի կամ վիճակի համար վաճառքից հետո:
 
6.2 Մասնակիցը սույնով պարտավորվում է զերծ պահել Վաճառողին, վերջինիս մասնակիցներին, բաժնետերերին, տնօրեններին, աշխատակիցներին և փոխկապակցված անձանց ցանկացած պատասխանտվությունից, որը բխում է կամ հետևանք է Ծառայությունների միջոցով գույքի վաճառքի և/կամ վերջինիս ցանկացած ձևով օգտագործման:
 
ՄԱՍ 7. ԵԶՐԱՓԱԿԻՉ ԴՐՈՒՅԹՆԵՐ
 
7.1 Վաճառողն իրավունք ունի ցանկացած պահ փոփոխություններ մտցնել սույն Կանոնների մեջ` այդ մասին համապատասպան տեղեկություններ զետեղելով Ծառայությունների տրամադրման էջում:
 
7.2 Ծառայությունների մատուցման և սակարկությունների անցկացման հետ կապված հեղինակային բոլոր իրավունքները, ապրանքային նշաններն ու մտավոր սեփականության իրավունքները պատկանում են Վաճառողին և պաշտպանվում են Հայաստանի Հանրապետության օրենսդրության ներքո:
 
7.3 Մասնակիցն իրավունք չունի աճուրդի ընթացքում հրաժարվել Վաճառողի կողմից մատուցվող Ծառայություններից բացառությամբ սույն Կանոններով նախատեսված դեպքերի:
 
7.4 Ծառայությունների մատուցման հետ կապված կամ արդյունքում ծագող վեճերը լուծվում են բանակցությունների միջոցով, իսկ համաձայնություն ձեռք չբերելու դեպքում` դատական կարգով:
 
7.5 Մեքենայի վաճառքը կատարվում է միայն ՀՀ դրամով: Մեքենայի գնման համար գումարը վճարվում է ըստ մեքենայի վաճառքի օրը կենտրոնական բանկի կողմից սահմանած միավոր ԱՄՆ դոլարի գնման կուրսով: